
डडेल्धुरा / सुदुरपश्चिम प्रदेशमा नागरिक सहयोगमा स्थापना भएको डडेल्धुरामा रहेको कोरोना परिक्षण प्रयोगशालालाई जिल्लाको अमरगढी नगरपालिकाले २० लाख सहयोग गरेको छ ।
ल्याब संचालनको क्रममा आई पर्ने समस्या समाधानका लागी सहयोग पुर्याउने उदेश्यका साथ उक्त रकम सहयोग गरेको नगरपालिकाले जनाएको छ ।
कोरोना नियन्त्रण तथा रोकथाम गर्ने उद्धेश्यले स्थापना भएको कोरोना परीक्षण प्रयोगशालालाई अझ व्यवस्थित गर्नका लागि अमरगढी नगरपालिकाले अस्पताललाई २० लाख रुपैया सहायता गरेको अमरगढी नगरपालिका प्रमुख विशेश्वर प्रसाद ओझाले बताए ।
कोरोनाको महामारी सुरु भएसंगै डडेल्धुराका स्थानीय तहहरुले डडेल्धुरा अस्पतालमा कोरोना परीक्षण प्रयोगशाला स्थापना गर्ने र उक्त प्रयोगशाला संचालनका लागि आर्थिक सहयोग गर्ने प्रतिवद्धता जनाएको भए पनि ल्याब संचालनका लागी आर्थिक सहयोग गर्ने उक्त नगरपालिका पहिलो हो ।