
डोटी / सोमबार सुदूरपश्चिम प्रदेशमा थप ५३ जनामा कोरोना संक्रमण पुष्टि भएको छ । यो सँगै सुदूरपश्चिममा संक्रमितको संख्या ६ हजार ९ सय दुई पुगेको छ ।
पछिल्लो २४ घण्टामा डोटीको प्रयोगशालामा १ सय ६ जनाको परिक्षण गरिएकोमा एक जनामा कोरोना संक्रमण देखिएको उक्त अस्पतालले जनाएको छ । डोटीमा संक्रमण पुष्टी भएका व्यक्ति अछाम जिल्ला रामारोशन गाँउपालिकाका हुन् ।
त्यस्तै पछिल्लो २४ घण्टामा सेती प्रादेशिक अस्पतालको प्रयोगशालामा तीन सय ८ जना को पिसिआर परिक्षण गरिएकोमा ३२ जनामा कोरोना संक्रमण पुष्टी भएको कैलाली अस्पतालले जनाएको छ । सेती प्रादेशिक अस्पतालमा पुष्टी भएकाहरुमा कैलालीका २६, कञ्चनपुरका ५ र बैतडीका १ जना रहेका छन् ।
त्यस्तै पछिल्लो २४ घण्टामा डडेल्धुरा अस्पतालको प्रयोगशालामा १ सय ८ जनाको पिसिआर परिक्षण भएकोमा २० जनामा कोरोना संक्रमण पुष्टी भएको उक्त अस्पतालले जनाएको छ । डडेल्धुरामा भएको परिक्षणमा बझाङका १६ र डडेल्धुराका ४ जनामा कोरोना संक्रमण देखिएको हो ।