कर्ण चन्द, डोटी / डोटी जिल्लाको शिखर नगरपालिकाका २ वटा बडा, दुईओटा प्रहरीचौकी र ३ वटा स्वास्थ्य चौकीहरुलाई व्यक्तिगत सुरक्षाका सेनिटाईजर, मास्क, ग्लोब्स लगायतका स्वास्थ्य सामाग्री वितरण गरिएको छ ।
नेपाल रेडक्रस सोसाईटी डोटी जिल्ला शाखा अन्तरगत संचालित पश्चिम विपद पूर्व तयारी परियोजना मार्फत कोरोना भाईरस संक्रमणको समयमा सक्रियताका साथ कार्य सम्पदान गर्दै आम नागरिकको सुरक्षाका लागी क्रियाशित रहदै आएको उक्त संस्थाहरुलाई स्वास्थ्य सामाग्री सहयोग गरेको उक्त शाखाले जानकारी दिएको छ ।
पहिलोपंक्तिमा रहि नागरिक सुरक्षामा खट्ने सुरक्षाकर्मिहरुलाई सहयोग पुराउने उदेश्यका साथ तलकोट र वानडुग्रीसेन गरि दुईओटा प्रहरी चौकीलाई ३ सय थान सर्जिकल मास्क, १ सय एमएलका १५ थान, ३ सय एमएल २ थान सेनीटाईजर, ग्लोब्स २ सय थान दरले वितरण शाखाका सभापति लक्षिराम कुँबरले हस्तान्तरण गरेका हुन् ।
त्यस्तै नगरपालिका अन्तरगत रहेका परियोजना क्षेत्रका ३ वटा स्वास्थ्यचौकीहरु ४०० सर्जिकल मास्क, २ थान ३ सय एमएलका सेनिटाईजर र ग्लोब्स २ सय थानका दरले हस्तान्तरण गरिएको छ । त्यस्तै परियोजना क्षेत्रका ३ वटा बडा कार्यालयहरुमा मास्क ३ सय थान, ३ सय एमएलका सेनीटाईटर २ थान र ग्लोब्स २ सय थानका दरले शाखाका सभापति कुँबरले हस्तान्तरण गरेको उक्त शाखाले जानकारी दिएको छ ।
त्यस्तै परियोजना अन्तरगत पुर्विचौकी गाँउपालिकामा रहेका स्वास्थ्य चौकी, प्रहरी चौकी र बडा कार्यालयहरुमा व्यक्तिगत सुरक्षाको सामाग्री हस्तान्तरण गरिने योजना रहेको र केहि दिनमा सहयोग गरिने शाखा सभापति कुँबरले बताए ।
विश्वभर महामारीको रुपमा फैलिएको कोरोना भाईरस संक्रमणको समयमा डोटी शाखाले जनसेवाको कामहरु गरि रहेको स्वयमसेवी रुपमा परिचारलन भई रहेकोले पनि उक्त कार्यमा खटेका शाखाका कर्मचारी स्वंयमसेवकहरुको स्वास्थ्य सुरक्षाको ख्याल गर्दै थप व्यक्तिगत सुरक्षाको सामाग्री सहयोग गरिने उक्त शाखाले जानकारी दिएको छ ।
