
सामिक्षा आचार्य, काठमाण्डौ / सत्तारुढ नेपाल कम्युनिस्ट पार्टी (नेकपा) को पार्टी कार्यालय पेरिसडाडाँमा बसेका सचिवालय बैठकमा मन्त्रिपरिषद् पुनर्गठनबारे छलफल भएको छ ।
मन्त्रिपरिषद् पुनर्गठनबारे विभिन्न कोणबाट छलफल भएको छ र नेताहरुले आआफ्नो धारणा राखेको पार्टीका प्रवक्ता नारायणकाजी श्रेष्ठ प्रकाशले बताए ।
मन्त्रिपरिषदमा कसलाई पठाउने भन्ने विषयमा छलफल नभएको भएपनि आवश्यक मापदण्डका विषयमा छलफल भएको प्रवक्ता श्रेष्ठले बताए । त्यस्तै बैठकमा संवैधानिक आयोगमा हुने राजनीतिक नियुक्तिका विषयमा छलफल भएको छ तर निर्णय भने गरिएको छैन ।
त्यस्तै बाँकी रहेको पार्टी एकीकरणका काम पूरा गर्ने, संगठन विभागको निर्णयहरुमा माथि छलफल गर्ने विषयमा पनि छलफल भएको श्रेष्ठले बताए । स्थायी कमिटी र केन्द्रीय कमिटीमा पदपूर्ति गर्ने विषयमा समेत छलफल भएको छ । अरु एजेण्डाहरु माथी छलफल गर्न सोमबार दिउसो १ बजे बैठक बस्ने भएको छ ।