डोटी / सुदूरपश्चिम प्रदेशमा रहेका तिन वटा कोरोना भाईरस संक्रमण परिक्षण प्रयोगशालाहरु कैलाली र डडेल्धुरामा भएको परिक्षणमा पछिल्लो २४ घण्टामा प्रदेशका ३९ जनामा कोरोना संक्रमण पुष्टी भएको छ भने डोटी जिल्लाको प्रयोगशालामा शनिवार भएको परिक्षणमा सबैको रिपोट नेगेटिभ आएको छ ।
डोटी जिल्ला अस्पतालको प्रयोगशालामा पछिल्लो २४ घण्टामा एक सय १२ जनाको पिसिआर परिक्षण गरिएकोमा सबैको रिपोर्ट नेगेटिभ आएको उक्त प्रयोगशालाले जनाएको छ ।
त्यस्तै कैलालीमा रहेको प्रादेशिक प्रयोगशालामा भएको परिक्षणमा पछिल्लो २४ घण्टामा तीन सय ९३ जनाको परीक्षण भएकोमा १३ जनामा कोरोनाको संक्रमण देखिएको छ ।
त्यस्तै डडेल्धुरा जिल्लाको प्रयोगशालामा पछिल्लो २४ घण्टामा एक सय ८६ जनाको नमूना परीक्षण गर्दा २६ जनामा कोरोनाको संक्रमण देखीएको डडेल्धुरा प्रयोगशालाले जनाएको छ ।
शनिवार प्रदेशका दार्चुलाका २१, कैलालीका ११, डडेल्धुराका ३, बैतडी र बझाङका दुई÷दुई जनामा संक्रमण पुष्टि भएको हो । यो सँगै प्रदेशभरमा संक्रमितको संख्या ६ हजार सात सय ७५ पुगेको छ भने पछिल्लो २४ घण्टामा ५ हजार सात सय २४ जना डिस्चार्ज भएको सुदुरपश्चिम स्वास्थ्य निर्देशनालयले जनाएको छ ।
