दार्चुला — दार्चुलामा लागूऔषध चरेशसहित दुई युवकलाई प्रहरीले नियन्त्रणमा लिएको छ।
जिल्ला प्रहरी कार्यालय दार्चुलाबाट खटिएको टोलीले महाकाली नगरपालिका–४ खलंगा बजार क्षेत्रबाट दुई जनालाई पक्राउ गरेको हो। पक्राउ पर्नेमा व्यास गाउँपालिका–६, हुतीका २२ वर्षीय विजय टमटा, जो महाकाली–४ मा डेरा गरी बसेका थिए, र खलंगा बजारका २१ वर्षीय धिरज लुहार रहेका छन्।
प्रहरीले उनीहरूको साथबाट ३१ ग्राम चरेश बरामद गरेको जनाएको छ। बरामद सामग्रीसहित दुवै जनालाई थप अनुसन्धानका लागि नियन्त्रणमा लिइएको प्रहरी कार्यालय दार्चुलाले जानकारी दिएको छ।
