डोटी / डोटीको शिखर नगरपालिकामा नेपाल कम्युनिष्ट पार्टी (नेकपा) ले भ्रष्टाचार, अनियमितता र गलत प्रवृत्ति विरुद्ध १ महिने भण्डाफोर अभियान शुरु गरेको छ ।
नेकपाको शिखर नगर संगठन कमिटिको शुक्रबार बसेको पाँचौं बैठकले १ महिने अभियानको कार्यतालिका सार्वजनिक गर्दै शुक्रबारका दिन देखी नै भण्डाफोर अभियानको थालनी गरेको उक्त कमिटिका अध्यक्ष सागर भट्टले बताए ।
रिएको हो ।
विशेषतः कोभिड–१९ व्यवस्थापनका नाममा नगरपालिकाले गरेको अनियमितता, नगरपालिकाको निर्माणाधिन भवनमा मापदण्ड विपरित निर्माण सामाग्री प्रयोग, विभिन्न योजनामा भए गरेका अनियमितता बारेमा एक महिनाको अभियानका क्रममा भण्डाफोर गरिने नगरकमिटि अध्यक्ष भट्टले बताए ।
शुक्रबार भण्डाफोर अभियानको घोषणा गर्दै नगरको तलकोट देखी नगपालिका कार्यालय सम्म विरोध र्यालीको आयोजना गरिएको नेकपाका युवा नेता जगन्नाथ बलायरले बताए ।
विरोध र्याली पछिको कोणसभा तलकोटबजारमा सम्पन्न भएको र उक्त कोण सभालाई उक्त पार्टीका सुदूरपश्चिम प्रदेश कमिटि सदस्य लाल बहादुर कठायत, सो नगरपालिका इञ्चार्ज रमेश जोशी ‘सैपाल’, नगर कमिटी अध्यक्ष सागर भट्ट, डोटी जिल्ला सचिवालय सदस्य इन्द्र बलायर, जगन्नाथ भट्ट, सो नगर कमिटि सचिवालय सदस्य जगन्नाथ बलायर लगायतले सम्बोधन गरेको शिखर नगरपालिका नगरकमिटिले जनाएको छ ।
