डोटी, असोज २५ — डोटीको जोरायल गाउँपालिका–१, गोल्डेनस्थित भिमदत्त राजमार्गमा शनिबार बिहान करिब ५ः३५ बजे यात्रुवाहक हाइस् दुर्घटना हुँदा एक जनाको मृत्यु र १८ जना घाइते भएका छन्।
उक्त दुर्घटनाका परी अछाम मङ्गलसेन नगरपालिका–९ की २२ वर्षीया हरिया परियारको घटनास्थलमै मृत्यु भएको जिल्ला प्रहरी कार्यालय डोटीले जनाएको छ।
त्यस्तै गम्भीर घाइते हुनेमा अछाम जिल्लाकाे मङ्गलसेन नगरपालिका ९ का क्रमश: १८ वर्षीय लोकेन्द्र रावल, साेही ठाउँका १६ वर्षीय एकेन्द्र बि.क., ३५ वर्षीय मोतिकला परियार, जनक परियारको छोरा ११ वर्षीय बिराज परियार, ५३ वर्षीय भिम ब. ढोली, ११ वर्षीय शृष्टी परियार, १९ वर्षीय बिनोद परियार, ३० वर्षीय मनसरी परियार रहेकी छन् । उल्लेखित घाइतेहरूकाे अवस्था गम्भीर रहेकाे प्रहरी जनाएको छ ।
त्यस्तै अन्य घाइते हुनेमा मगलशेन ९ का क्रमशः ४२ वर्षीय मेघ्या ढोली, ५ वर्षिय आहाना परियार, ५ वर्षीय एलिसा परियार, ५० वर्षीय पदमा परियार, ५ वर्षीय रिया परियार, २३ वर्षीय रबि परियार, ३७ वर्षीय नृप ढोली, ३८ वर्षीय देवराज भाट, ३० वर्षीय मनसरी परियार, अछाम बान्निगढी १ जयगढ बस्ने ५० वर्षीय इन्द्रसरा परियार रहेका छन् ।
त्यस्तै उक्त दुर्घटनामा कैलाली धनगढी उपमहानगरपालिका–१२, बी गाउँका ३८ वर्षीय हाइस चालक देबबहादुर थापा समेत घाइते भएका छन्।
दुर्घटनापछि प्रहरी नायब निरीक्षक लोकेन्द्रसिंह पुजाराको कमाण्डमा १४ जनाको टोलीले उद्दार कार्य गरी सबै घाइतेहरूलाई उपचारका लागि कैलालीस्थित पद्म अस्पताल अत्तरियामा पठाएको जिल्ला प्रहरी कार्यालय डोटीले जनाएको छ।
अछामबाट धनगढीतर्फ जाँदै गरेको सु.प.प्र.०१–००१ ख ३९५६ नम्बरको इभी (E.V.) हाइस् अनियन्त्रित भई सडकबाट करिब १०० मिटर तल खस्दा दुर्घटना भएको हो।
प्रहरीका अनुसार दुर्घटनाको कारणबारे थप अनुसन्धान भइरहेको छ।
प्रतिक्रिया
सम्बन्धित खवर
