काठमाडौं /नवनियुक्त प्रधानमन्त्री सुशीला कार्कीले शुक्रबार पद तथा गोपनीयताको शपथ लिएकी छन्।
पूर्वप्रधानन्यायाधीशसमेत रहेकी कार्कीलाई राष्ट्रपति रामचन्द्र पौडेलले शपथ गराए। संविधानको धारा ६१ बमोजिम राष्ट्रपति पौडेलले उनलाई प्रधानमन्त्रीमा नियुक्त गरेका थिए।
शपथग्रहण समारोहमा उपराष्ट्रपति रामसहायप्रसाद यादव, प्रधानन्यायाधीश प्रकाशमान सिंह राउत, पूर्वप्रधानमन्त्री बाबुराम भट्टराई लगायतका गणमान्य व्यक्तिहरूको उपस्थिति रहेको थियो।
शपथ समारोहमा प्रमुख पूर्वप्रधानमन्त्री लेखिएनन्
नवनियुक्त प्रधानमन्त्री सुशीला कार्कीको शपथ ग्रहण समारोहमा जेनजी आन्दोलनपछि प्रधानमन्त्री पदबाट हटेका केपी शर्मा ओली उपस्थित भएनन्। त्यस्तै, पूर्वप्रधानमन्त्रीहरू प्रचण्ड, शेरबहादुर देउवा, माधव नेपाल र झलनाथ खनाल पनि समारोहमा अनुपस्थित थिए।।
