धनगढी, असार १०
सुदूरपश्चिम प्रदेश सरकारले आगामी आर्थिक वर्ष २०८२/८३ का लागि प्रस्ताव गरेको ३३ अर्ब ४७ करोड रुपैयाँको बजेटमाथि आजदेखि प्रदेश सभामा औपचारिक छलफल सुरु हुँदैछ।
प्रदेशसभा सचिवालयका सूचना अधिकारी युवराज जैसीका अनुसार बजेटमाथि छलफल गर्न आज (मंगलबार) दिउँसो ४ बैठक बाेलाएकाे थियाे ।
आर्थिक मामिला तथा योजना मन्त्री बहादुरसिंह थापाले गत असार १ गते आगामी वर्षको अनुमानित बजेट सभामा प्रस्तुत गर्नुभएको थियो।
बजेट विवरण अनुसार, कुल ३३ अर्ब ४७ करोड ६० लाख ४८ हजार रुपैयाँमध्ये: चालू खर्चतर्फ: १० अर्ब २० करोड ८१ लाख ८२ हजार (३०.४९ प्रतिशत) पुँजीगत खर्चतर्फ: १९ अर्ब ८३ करोड २ लाख ६ हजार (५९.२५ प्रतिशत)अन्तर वित्तीय हस्तान्तरणतर्फ: ३ अर्ब ४२ करोड ७७ लाख (१०.२४ प्रतिशत) वित्तीय व्यवस्थातर्फ: १ करोड रुपैयाँ विनियोजन गरिएको छ।
प्रदेश सरकारले प्रस्तुत गरेको बजेटको प्राथमिकता, कार्यान्वयनको सम्भाव्यता र खर्चको औचित्यमाथि विभिन्न दलका सांसदहरूले धारणा राख्ने कार्यक्रम रहेको छ। छलफलका क्रममा बजेटमा आवश्यक संशोधन तथा सुझावहरू पनि आउने अपेक्षा गरिएको छ।
