बैतडी — ट्रकको ठक्करबाट बैतडीमा एक वृद्धको ज्यान गएको छ। जिल्लाको सुर्नया गाउँपालिका–५, विष्टपालीमा शुक्रबार साँझ भएको घटनामा ८१ वर्षीय महावीर बिष्टको मृत्यु भएको प्रहरीले जनाको छ।
धनगढीबाट विष्टपालीतर्फ जाँदै गरेको सुदूरपश्चिम प्रदेश ०१–००१ क १८१३ नम्बरको मिनी ट्रक ब्याक गर्ने क्रममा बिष्टलाई ठक्कर लागेको हो।
गम्भीर घाइते भएका वृद्धलाई उपचारका लागि धनगढी ल्याइँदै गर्दा बाटोमै मृत्यु भएको बैतडी प्रहरीले जनाएको छ।
हाल ट्रक चालक र सवारीसाधन दुवैलाई प्रहरीको नियन्त्रणमा राखिएको छ। घटनाबारे थप अनुसन्धान भइरहेको प्रहरीले जानकारी दिएको छ।
ट्रक सुर्नया–२ का ३१ वर्षीय मानसिंह बिष्टको हो।
