कर्ण चन्द, डोटी / स्वास्थ्य कार्यालय डोटीको आर्थिक बर्ष ०७६।०७७ को बार्षिक समिक्षा तथा कोभिड १९ सम्बन्धि गोष्ठी आजदेखी सुरू भएको छ ।
आर्थिक बर्षमा सम्पादित कार्यक्रमका बिषयमा समिक्षा गर्न आयोजित कार्यक्रममा डोटी जिल्लाका सबै स्थानीय तहका प्रमुखले प्रगति प्रतिबेदन प्रस्तुत गर्ने छन ।
समिक्षा संगसंगै बिश्वभर महामारीको रूपमा फैलिएको नोभेल कोरोना भाईरस कोभिड १९ सम्बन्धि पनि छलफल हुने भएको छ ।
फ्रन्टलाईन रहेर काम गर्नु पर्ने स्वास्थ्यकर्मीको अभाब भएको कारण जनशक्ति ब्यबस्थापन गर्नु अहिलेको आबश्यकता रहेको जिल्ला समन्वय समिति डोटीका उप संयोजक शशी सोवले बताएकी छिन् ।
कोभिड १९ मा स्वास्थ्यकर्मीले खेलेको भूमिकाका कारण स्वास्थ्यकर्मीलाई जनताले भगवान् रूपी मानबको रूपमा प्रशंसा हुँदै आएको र यस्लाई कायम राख्दै सेवामा निरन्तर काम गर्नका लागि प्रमुख जिल्ला अधिकारी भिम प्रशाद भट्टराईले बताए ।
स्वास्थ्य कार्यालय डोटीका प्रमुख रमेश मलासीको अध्यक्षताका सञ्चालन भएको उद्घाटन कार्यक्रमका प्रमुख अतिथि जिल्ला समन्वय डोटीका उपसंयोजक शशी सोव रहेकी थिईन् भने बिशिष्ट अतिथि प्रमुख जिल्ला अधिकारी भिमप्रशाद भट्टराई रहेका थिए । विहिबार भएको कार्यक्रम शुक्रबार सम्म संचालन हुने स्वास्थ्य कार्यालय डोटीले जनाएको छ ।
