डोटी, २०८२ जेठ ५ – डोटीको दिपायल सिलगढी नगरपालिका–६ स्थित सिलगाउँमा आएको हावाहुरी र असिनाले एक घरको छाना उडाएको छ।
मंगलबार साँझ ५:३० बजेतिर वर्षासँगै आएको तेज हावाहुरीका कारण राजेश आउजीको ढुंगा माटोले बनेको जस्तापाताले छाएको दुई तले चार कोठे घरको छाना पूर्ण रूपमा उडाएर क्षति पुर्याएको जिल्ला प्रहरी कार्यालय डोटीले जनाएको छ।
घटनामा मानवीय वा चौपाया क्षति भने नभएको पुष्टि भएको छ। आउजीको परिवारमा रहेका ६ जना सदस्यहरू नजिकैको छिमेकीको घरमा सुरक्षित रूपमा बसेका छन्।
अचानक आएको प्राकृतिक विपत्तिले स्थानियहरूमा त्रासको माहोल सिर्जना भएको छ ।
