दार्चुला / दार्चुलाको महाकाली नगरपालिका–२ मैखोलीमा जिप दुर्घटना हुँदा चालकको मृत्यु भएको छ भने २ जना घाइते भएका छन् । मृत्यु हुनेमा जिप चालक महाकाली नगरपालिका–२ का २७ वर्षीय महेश भुलको रहेकाे दार्चुला प्रहरीले जनाएको छ । उनकाे उपचारकाे क्रममा जिल्ला अस्पताल बैतडीमा मृत्यु भएको हाे ।
त्यसैगरी जिपमा सवार सुशान्त भुल र सागर भुलको जिल्ला अस्पतालमा उपचार भइरहेको छ।
जिल्लाको नौगाड गाउँपालिकाको दल्लेकबाट सदरमुकाम खलङ्गातर्फ आइरहेको सुदूरपश्चिम प्रदेश–००१–ज–०००५ नम्बरको जिप आज ४ः ३० बजे दुर्घटना भएको जिल्ला प्रहरी कार्यालय बैतडीले जनाएको छ ।
जिप सडकबाट अन्दाजी ५० मिटर तल खसेको छ । दुर्घटनाका कारणबारे अनुसन्धान भइरहेको प्रहरीले जनाएको छ।
