काठमाडौं / सुदूरपश्चिम रोयल्स नेपाल प्रिमियर लिग (एनपीएल) क्रिकेट प्रतियोगिताको फाइनलमा प्रवेश गर्ने पहिलो टोली बनेको छ । सुदूरपश्चिम रोयल्स बुधबार खेलेकाे पहिलो ‘क्वालिफायर’ खेलमा जनकपुर बोल्ट्सलाई ८ विकेटले हराउँदै प्रतियोगिताको फाइनलमा पुगेको हो ।
त्रिवि क्रिकेट मैदानमा जनकपुरले दिएको १४० रन पछ्याएको सुदूपश्चिमले १८.३ ओभरमा २ विकेट गुमाएकाे थियाे ।
सुदूपश्चिमका लागि विनोद भण्डारीले सर्वाधिक रन जोडे्दै ५५ बलमा ३ चौका र ३ छक्का प्रहार गर्दै ५८ रन जोडेका थिए । त्यस्तै ब्रान्डनले १९ बलमा २५ रन जोडेर आउट भए भने शैफ जैबले २१ बलमा ३२ रन जोडे । यस्तै दिपेन्दै ऐरीले १६ बलमा २० रनकाे जाेहाे गरे ।
जनकपुरका लागि नसिमले सर्वाधिक ४५ रन, शुभ कंसकारले २६, लाहिरु मिलान्था, हर्ष थेकरले सामान १२–१२ रन जोडेका थिए । बलिङमा दिपेन्द्र ऐरीले ३ विकेट र शैफ जौफले २ विकेट लिए ।
यसअघि टस जितेर पहिले ब्याटिङ रोजेको जनकपुरले निर्धारित २० ओभरमा ८ विकेट गुमाएर १३९ रन बनायो ।
अब दोश्रो क्वालिफायर्समा जनकपुर र कर्णाली भिड्ने छन् ।
