डोटी — जिल्ला अस्पताल डोटीमा लामो समयदेखि सेवा दिँदै आएका चिकित्सक डा. अरुण गुप्ताको निधन भएको छ।
मधुमेह र मुटुसम्बन्धी रोगबाट पीडित गुप्ताको काठमाडौंस्थित आफ्नै निवासमा निधन भएको बताइएको छ।
उनको निधनपछि अस्पतालका स्वास्थ्यकर्मी, सेवाग्राही र स्थानीय समुदाय शोकमा डुबेका छन्।
अस्पतालका मेडिकल सुपरिटेन्डेन्ट डा. सुजित मण्डलले सामाजिक सञ्जालमा लेखेका छन्: “जिल्ला अस्पताल डोटीको १ नम्बर ओपीडीका भित्ताहरु अझै उहाँको उपस्थिति खोजिरहने छन्। ती बिरामीहरू समेत बड्डा डाक्टर खोइ भनि खोजिरहने छन्। हामी सबैको मनमा त्यो ठाउँ सधैँ खाली रहनेछ।”
डा. गुप्ताले जिल्लामा अस्पताल डाेटीमा तीन बर्षदेखि निरन्तर स्वास्थ्यसेवा पुर्याउँदै आएका थिए।
