काठमाडौं /जेनजी आन्दोलनका क्रममा सुरक्षाकर्मीलाई गोली चलाउन आदेश दिएको आरोपसहित पूर्वप्रधानमन्त्री केपी शर्मा ओलीविरुद्ध कर्तव्यज्यान मुद्दामा जाहेरी दर्ता गरिएको छ।
नेपाली कांग्रेसका सांसद तथा पूर्वप्रतिनिधिसभा सदस्य अभिषेक प्रताप शाहले कपिलवस्तुका प्रमुख जिल्ला अधिकारी दिलकुमार तामाङमार्फत महानगरीय प्रहरी वृत्त नयाँ बानेश्वरमा उजुरी दर्ता गराएका हुन्।
जाहेरीमा आन्दोलनमा सहभागी १७ देखि ४५ वर्ष उमेर समूहका एक दर्जनभन्दा बढी युवाको ज्यान गएको र धेरै घाइते भएको उल्लेख छ। ओलीकै आदेशमा गोली चलाइएको दाबी गर्दै घटनाको गम्भीर अनुसन्धान गर्न माग गरिएको छ।
मृतकमा सुलभ राज श्रेष्ठ, यम चौलागाईं, बुद्धि तामाङ, मिसल सारु मगर, पारुहाङ उतमल राई, योगेन्द्र न्यौपाने, विनोद महर्जन, दिल नारायण तामाङ, प्रविन कुलुङ, उमेश महत, निता गौतम, शौरभ किशोर श्रेष्ठ, सुवास बोहोरा र निरज पन्तलगायतको नाम समावेश गरिएको छ।
शाहले ओलीमाथि जघन्य अपराधको अभियोग लगाउँदै दोषीलाई कानुनी दायरामा ल्याउन सम्बन्धित निकायलाई आग्रह गरेका छन्।
