बैतडी/ बैतडीको दशरथचन्द नगरपालिका–४ शाहीलेक नजिक बुधबार दिउँसो यात्रुवाहक जीप दुर्घटनामा परेर १२ जना घाइते भएका छन् ।
दुर्घटनामा परेर घाइते हुनेमा दशरथचन्द नगरपालिका–११ की ५० वर्षीया हरिना जोशी, दशरथचन्द–६ का २१ वर्षीय अर्जुन महर, दशरथचन्द–४ का ३४ वर्षीय धिरेन्द्र खत्री र २१ वर्षीय लक्ष्मण नाथ, दशरथचन्द–६ का २२ वर्षीय भुपेश जोशी, पुर्चौडी–४ की ३८ वर्षीया हिरा भट्ट, पुर्चौडी–५ का १७ वर्षीय रिकेश पार्कि, २८ वर्षीय दिनेश पार्कि, पुर्चौडी–४ का २३ वर्षीय जनक भट्ट, पाटन–९ का १८ वर्षीय कबिराज भट्ट र २१ वर्षीय जनक भट्ट तथा पाटन–३ का ४२ वर्षीय डम्मर दत्त भट्ट घाइते भएका छन्।
घाइतेमध्ये अर्जुन महर, दिनेश पार्कि र कबिराज भट्टको अवस्था गम्भीर छ भने अन्यको अवस्था सामान्य रहेको प्रहरी निरीक्षक बल्देव बडूले जानकारी दिएका छन्। दुर्घटनाग्रस्त जीपमा चालकसहित १३ जना सवार थिए।
घाइते सबैलाई तत्कालै जिल्ला अस्पताल बैतडी पुर्याइएको छ। प्रहरीका अनुसार गम्भीर घाइते तीन जनालाई थप उपचारका लागि अन्यत्र रेफर गर्ने तयारी भइरहेको छ भने बाँकीको स्थानीय अस्पतालमै उपचार भइरहेको छ ।
गोठलापानीबाट खोड्पेतर्फ जाँदै गरेको उग्रतारा यातायातको से १ ज २४५ नम्बरको जीप दिउँसो करिब २ बजे इश्वरीगंगा जाने बाटोमा अनियन्त्रित भई दुर्घटना भएको जिल्ला प्रहरी कार्यालय बैतडीले जनाएको छ
