डोटी, बैशाख १३
डोटी जिल्लाको जोरायल गाउँपालिका–२, रुबसकाँडा स्थित भीमदत्त राजमार्गमा ट्रक र मोटरसाइकल एक आपसमा ठोक्किँदा एक जना गम्भीर घाइते भएका छन् । घाइते हुनेमा मोटरसाइकल चालक बझाङ बित्थडचिर गाउँपालिका–१ डिलकन्दार बस्ने ४४ वर्षीय हरी बोहरा रहेका छन् ।
दुर्घटनामा परेका मोटरसाइकल चालक बोहराको शरीर र दुबै खुट्टामा चोट लागी गम्भीर घाइते भएका छन्। घटनापश्चात उनलाई तत्काल छतिवन स्वास्थ्य चौकी बुडरमा लगिएकाे थियाे । उनकाे स्वास्थ्य अवस्था गम्भीर भएकाले थप उपचारका लागि धनगढी, कैलाली पठाइएको डाेटी प्रहरीले जनाएको छ।
जिल्ला प्रहरी कार्यालय डाेटीकाअनुसार आज ( शनिबार ) ३ बजेकाे समयमा बैतडीबाट धनगढीतर्फ जाँदै गरेको सुप्र ०१–००१ ख २४५४ नम्बरको ट्रकले विपरीत दिशाबाट आउँदै गरेको सुप्र ०१–००८ प ११ नम्बरको मोटरसाइकललाई ठक्कर दिएको हाे ।
ट्रक चालक बैतडी पाटन नगरपालिका–१ सकार बस्ने ४२ वर्षीय गणेश भट्टराई प्रहरी नियन्त्रणमा रहेका छन् र घटनाबारे थप अनुसन्धान भइरहेको जिल्ला प्रहरी कार्यालय डोटीले जनाएको छ।
प्रतिक्रिया
सम्बन्धित खवर
