सिलगढी / डोटीको केदार सूर्य बहुमुखी क्याम्पस बिपिनगरको स्ववियु सभापतिमा अखिल (क्रान्तिकारी) की बोहरा विजयी भएकी छिन् ।
अखिल (क्रान्तिकारी) र अनेरास्ववियूबाट साझा उम्मेदवार रहेकी बोहराले नेपाल विद्यार्थी सङ्घकी रमिता बोहरालाई पराजित गरेर यशाेदा बाेहरा विजयी भएकी हुन् । विजयी उम्मेदवार यशोदाले ४६ मत र रमिताले ३७ मत प्राप्त गरिन्।
सचिव पदका लागि अनेरास्ववियुका बिक्रम साउँद र नेविसंघका भक्त पातलिले समान ४२ मत प्राप्त गरेपछि गोलापर्थाबाट बिक्रम साउद चुनिएका छन् ।
त्यस्तै कोषाध्यक्षमा अखिल (क्रान्तिकारी) की उमा बोहरालाई पराजित गरेर नेबिसंघकी हिरा मन्नी निर्वाचित भएकी छिन् ।
त्यस्तै सदस्यहरूमा अखिल क्रान्तिकारीकी शान्ति खडायत, अनेरास्ववियूकी लीला साउँद र अनेरास्ववियूकी विनिता विक निर्वाचित भएका छन् ।
