कैलाली / एकैदिन कैलालीमा प्रहरीले आठ जनालाई पक्राउ परेका छन्।
धनगढी उपमहानगरपालिका–३ ब्यारेल नजिकबाट पक्राउ पर्नेमा धनगढी उपमहानगरपालिका–८ बस्ने ३५ वर्षीय राम विशाल राना र २८ वर्षीय हरि रानालाई लागुओैषधसहित पक्राउ गरिएकाे हाे ।
उनीहरूलाई २ ग्राम ६९० मिलिग्राम लागूऔषधसहित कैलाली प्रहरीले नियन्त्रणमा लिएकाे जनाएको छ ।
त्यसैगरी इलाका प्रहरी कार्यालय मालाखेतीबाट खटिएको प्रहरी टोलीले गोदावरी नगरपालिका–३ मालिका टोल जाने बाटो नजिकबाट सोही ठाउँ बस्ने १९ वर्षीय तिलक थापा, २१ वर्षीय मनोज सार्की र गोदावरी नगरपालिका–१ बस्ने २३ वर्षीय नितेस महरालाई ५८० मिलिग्राम लागू औषध खैरो हेरोइनसहित पक्राउ गरिएकाे छ ।
यसैगरी गोदावरी नगरपालिका–२ पहाड रोड स्थित बसपार्क नजिकबाट गोदावरी नगरपालिका–१ बस्ने २६ वर्षीय राजन हमाललाई १३० मिलिग्राम खैरो हेरोइनसहित पक्राउ गरेकाे छ ।
त्यस्तै इलाका प्रहरी कार्यालय टीकापुरबाट खटिएको प्रहरी टोलीले
टीकापुर नगरपालिका–३ शंकरपुर स्थित सडक खण्डबाट सोही ठाउँ बस्ने २६ वर्षीय नरेश शाहीलाई ९० मिलिग्राम खैरो हेरोइनसहित नियन्त्रणमा लिएको जनाएको छ ।
