सिलगढी / प्रसिद्ध शैलेश्वरी मन्दिर व्यवस्थापनका लागि गठित शैलेश्वरी क्षेत्र विकाश समिति डाेटीकाे ५३ ओैँ साधारण सभा सिलगढीमा सम्पन्न भएकाे छ ।
शैलेश्वरी मन्दिरका पुजारी समेत रहेका प्रेम शंकर भट्टकाे नेतृत्वमा रहेकाे समितिलाई नै निरन्तरता दिने निर्णय गर्दै एक कार्यक्रमका बीच डाेटी बहुमुखी क्याम्पस डाेटीकाे सभाहलमा साधारण सभा सम्पन्न भएकाे समितिका उपाध्यक्ष राजेश भट्टले बताएका छन् ।
सुदुरपश्चिमकाे मात्र नभई देशकै प्रमुख शक्तिपिठकाे रुपमा रहेकाे शैलेश्वरी मन्दिरमा हरेक १२ बर्षमा लाग्ने काेटीहवन २०८३ मा लाग्ने भएकाले पनि अहिले साविककै समितिलाई निरन्तरता दिनु पर्ने भनी साधारण सभामा उपस्थित सदस्यहरु मत जाहेर गरेपछि साेहि समितिलाई निरन्तरता दिने गरि निर्णय भएकाे हाे ।
क्षेत्र विकास समितिका अध्यक्ष प्रेम शंकर भट्टकाे सभाध्यक्षतामा सम्पन्न साधारण सभामा समाजसेवि, कलाकार, साहित्यकार, नाटककार, डाेटीका पुराना पत्रकार समेत रहेका धन वहादुर मल्लकाे प्रमुख आतिथ्यतामा सम्पन्न भएकाे हाे ।
उक्त सभाले शैलेश्वरी मन्दिरकाे विकाशका लागि याेगदान पुराउने व्यक्तिहरुलाई सम्मान गरेकाे थियाे । उक्त कार्यक्रममा जनप्रतिनिधि, सरकारी निकायका प्रमुख तथा प्रतिनिधि, राजनितिक दलका प्रतिनिधि, सुरक्षा निकायका प्रमुख तथा प्रतिनिधि, पत्रकार लगायत बाह्रवरेलाका मुखिया, धामि भण्डारी, क्षेत्र विकास समितिका सदस्य लगायकाे उपस्थिति रहेकाे थियाे ।
प्रतिक्रिया
सम्बन्धित खवर
