डाेटी / डाेटीमा सराेकारवालापक्षद्वारा विद्यालयमा रूपान्तरण कक्षा अनुगमन गरिएकाे छ । सशक्त महिला समृद्ध नेपाल कार्यक्रम अन्तर्गत इउएनएफपीए र पिसविन नेपालको सहकार्यमा संचालित डोटी जिल्ला समन्वय प्रमुख लक्ष्मण बहादुर सिंह दिपायल सिलगढी नगरपालिका नगर प्रमुख , नगर उपप्रमुख , प्रमुख प्रशासकीय अधिकृत , महिला तथा बालबालिका शाखा शिक्षा शाखा प्रमुख, कार्यपालिका सदस्यहरु द्वारा रुपान्तरण कक्षा संचालन भैरहेका वडा नम्बर ३ अवस्थित दिल्पेश्वर मावि र वडा नम्बर १ अवस्थित मगलेक मावि मा संयुक्त अनुगमन गरिएको हाे ।
रूपान्तर कक्षाबाट आफूमा सकरात्मक भावना पैदा भएकाे विद्यार्थीहरू बताउछन् । दिल्पेश्वर माविका प्रधानाध्यापक दीर्घ कठायतले रुपान्तरण कक्षा संचालनपछि विद्यार्थीहरुको आन्तरिक क्षमता बढ्नुका साथै अनुशासित हुदै गएकाे बताए ।
विद्यार्थीहरूकाे व्यावहारिक ज्ञानमा परिवर्तन भएको र उनीहरूको आत्मनिर्भर सिपको बारेमा राम्रो ज्ञान हासिल गरेको जिल्ला समन्वय प्रमुख लक्ष्मण बहादुर सिंहले बताउनुभयो ।
विद्यार्थीहरुमा लैंगिक हिंसा रोकथामको लागि राम्रो प्रतिक्रिया दिदै कक्षा कोठामा लैंगिक हिंसा विरुद्धको नाटकद्वारा आफ्नो ज्ञान सिप बढाउदै गएको कुरा आफैंमा सकारात्मक पाटो रहेको दिपायल सिलगढी नगरपालिका नगर प्रमुख बाजि सिं खडका बताउनु बताए ।
उक्त कार्यक्रम दिपायल सिलगढी नगरपालिका वडा नं ३ अवस्थित दिल्पेश्वर माध्यमिक विद्यालय, वडा नं १ मा रहेको मगलेक मा बि र वडा नं ८ मा रहेको सुना देबि माविमा कक्षा ८ देखि १० सम्मका जम्मा १५० जना विद्यार्थीले रूपान्तरण कक्षा लिइरहेका छन् ।
