सिलगढी /डोटी जिल्लाको पूर्वीचौकी गाउँपालिका वडा नम्बर ६ को वडाध्यक्षमा नेपाली काँग्रेसका उमेदवार विजयी भएका छन् । आइतबार सम्पन्न उपनिर्वाचनमा एमालेका उम्मेदवार देव बहादुर थापालाई पराजित गर्दै काँग्रेसका उम्मेदवार मोहन थापा विजयी भएका हुन् ।
निर्वाचन कार्यालयकाअनुसार मत गणना गर्दा नेपाली काँग्रेसका विजयी मोहन थापाले ४६८ मत पाउँदा उनका निकटतम प्रतिद्वन्द्वी नेकपा एमालेका उम्मेदवार देव बहादुर थापाले ३०१ मत प्राप्त गरेको जनाएको छ ।
त्यस्तै राष्ट्रिय स्वतन्त्र पार्टीका उम्मेदवार जानकी खड्का कुँवरले ३१ र नेकपा माओवादी केन्द्रका उम्मेदवार देवीलाल थापाले २६ मत प्राप्त गरेका छन् । जम्मा ८ सय ३९ मत खसेकाेमा १३ मत बदर भएका थिए ।
वि स २०७९ साल मंसिर १४ गते नेपाली काँग्रेसबाट निर्वाचित वडाअध्यक्ष पुष्पराज जोशीको हृदयघातका कारण निधन भएपछि
यस वडामा उप- निर्वाचन भएकाे हाे ।
