बझाङ / बझाङमा एक पुरूषले बहुविवाह गरेको भन्दै जिल्ला प्रहरी कार्यालय बझाङमा उजुरी परेको छ ।

जिल्लाकाे थलारा गाउँपालिका वडा नम्बर ७ का २६ वर्षीय देबेन्द्र प्रसाद उपाध्यायले दुई महिना अगाडी बहुविवाह गरेको भन्दै निजकी श्रीमतीद्वारा जिल्ला प्रहरी कार्यालयमा उजुरी परेको हो ।

जिल्ला प्रहरी कार्यालय बझाङका अनुसार आफ्ना श्रीमान् र कान्छी विरुद्ध यहीँ मंसिर ३ गते उजुरी दर्ता गरेकाे जनाएको छ ।

जेठी श्रीमतिको उजुरीपछि देबेन्द्र प्रसाद उपाध्याय र कान्छी श्रीमतिलाई प्रहरी नियन्त्रणमा लिएकाे छ । घटनाबारे थपअनुसन्धान भैरहेको प्रहरीले जनाएको छ ।

कानुनी व्यवस्था के छ ?

मुलुकी अपराध ९संहिता० ऐन २०७४ लागू भएपछि बहुविवाह गरे ५ वर्षसम्म कैद हुने व्यवस्था छ ।विवाहित पुरुषलाई बहुविवाह गरेमा त्यस्तो विवाह स्वतः बदर हुनेछ अर्थात त्यसले कानुनी मान्यता पाउन सक्ने छैन र बहुविवाह गर्ने पुरुषलाई कडा कारबाहि हुने व्यवस्था गरिएको छ । त्यस्तै विवाहित पुरुषसँग जानीजानी महिलाले पनि विवाह गर्न नपाइने व्यवस्था गरिएको छ । यदि त्यस्तो गरेमा महिलालाई पनि कडा कारबाहि गरिने व्यवस्था गरिएके छ ।

मुलुकी देवानी (संहिता) ऐन २०७४ मा विवाहित पुरुषको पत्नीले कानुन बमोजिम अंशवण्डा गरेर भिन्न भएको अवस्थामा मात्र अर्को विवाह गर्न पाइने ऐनमा व्यवस्था गरिएको छ । अन्यथा बहुविवाह गर्ने पुरुष र विवाहित पुरुषसँग विवाह गर्ने महिलालाई १ देखि ५ वर्षसम्म कैद र १० देखि ५० हजार रुपैयाँसम्म जरिवाना हुने ऐनमा उल्लेख गरिएको छ । मुलुकी अपराध संहितामा विवाह गर्ने उमेर २० वर्ष किटान गरिएको छ । २० वर्ष नपुगी बिहे गरे ३ वर्ष कैद सजायको व्यवस्था छ । यदि २० वर्षअघि विहे गरेमा वा गराएमा त्यस्तो विवाह बदर हुनेछ । बिहे गर्ने र गराउनेलाई ३ वर्षसम्म कैद र ३० हजार रुपैयाँसम्म जरिवानाको व्यवस्था ऐनमा गरिएको छ । मुलुकी देवानी (संहिता) ऐन २०७४ मा शारीरिक सम्पर्कबाट शिशु जन्मेमा विवाह मानिने छ । पुरुषसँगको शारीरिक सम्पर्कबाट शिशु जन्मेमा त्यस्तो महिला र पुरुषको स्वतः विवाह भएको मानिने उल्लेख गरिएको छ ।