कैलाली / कैलालीमा दुई नाल भरुवा बन्दुकसहित एक जना पक्राउ परेका छन् ।
कैलाली प्रहरीकाअनुसार गोदावरी नगरपालिका–४ को तखरे गाउँ बस्ने ६५ वर्षीय लालबहादुर बुढामगरलाई भरुवा बन्दुकसहित पक्राउ गरिएको छ ।
बुढामगरलाई उनको घर नजिकैको चैतडा सामुदायिक वनको खोल्सोमा भरुवा बन्दुक लुकाइछिपाइ राखेको अवस्थामा पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) कवीन्द्रसिंह बोहोराले बताए ।
लोड गरेर राखेको अवस्थामा दुई नाल भरूवा बन्दुक, झोलाभित्र लुकाएर राखेको चार वटा फलाम र चार वटा सिसाको गोली गरेर आठ वटा गोली र अन्दाजी दुई सय ग्राम बारुद समेत गरेकाे प्रहरीले जनाएको छ । उनलाई नियन्त्रणमा लिएर प्रहरीले अनुसन्धान थालेकाे जनाएको छ ।
