मनमाेहन ठकुल्ला, डाेटी
डाेटीमा आज ( साेमबार) लामाे समयपछि पानी पर्दा किसानहरू खुसी भएका छन् । जिल्लाका अधिकांश क्षेत्रमा बर्खे बालीनाली भित्र्याएपछि गहुँ छर्ने समयमा वर्षा भएसँगै किसानहरू खुसी भएका हुन् ।
गहुँ छर्नकाे लागि सुख्खा जमिनमा खनजाेत गरिरहेका किसान समयमै वर्षा भएपछि गहुँ छर्नकाे लागि धेरै सहज भएकाे पूर्वीचाैकी गाउँपालिका वडा नम्बर २ का किसान गाेरख ठकुल्लाले बताउनुभयो ।
धेरै वर्षपछि गहुँ छर्ने समयमा पानी पर्दा लेकाली भेगमा यस वर्ष गहुँ सप्रने सम्भावना रहेकाे सायल गाउँपालिका वडा नम्बर ४ भल्माका स्थानीय झंक बिष्टले बताउनुभयाे । उहाँले भन्नुभयो,” गहुँ छर्नकाे लागि किसान आकाशे पानीलाई पर्खिरहेका थिए, ठ्याक्कै गजब पानी पर्याे ।”
हिउँदे बाली लगाउने समयमा पानी परेपछि यस वर्ष किसानलाई सिँचाइ गर्न समस्या नहुँने कृषि ज्ञान केन्द्र डाेटीका निमित्त कार्यालय प्रमुख गंगादत्त अवस्थीले बताउनुभयो । उहाँले भन्नुभयो, ” विशेषतः आलु लगाउनकाे लागि माैसमले साथ दियाे ।
जिल्लाका पूर्वीचाैकी, सायल, बाेगटान, बडिकेदार, के आई सिह लगायतका क्षेत्रमा पानी परेकाे स्थानीयले बताएका छन् ।
प्रतिक्रिया
सम्बन्धित खवर
