बझाङ / बझाङमा २ वटा पसलमा आगालागी हुँदा लाखौंको क्षति भएकाे छ ।
सनिवार दिउँसो करिव २:५० बजेकाे समयमा जिल्लाकाे केदारस्यु गाउँपालिका १ मारुगौडा गाऊँ भन्ने स्थानमा साेही ठाउँ बस्ने जय बहादुर रावलको जस्तापाताले बनाएकाे नास्ता पसलमा एक्कासी आगलागी हुँदा नजिकै पसलसँग जोडिएको साेही गाउँपालिका ३ बस्ने जय बहादुर खातीको जस्तापाताले बनाएको घरमा आगलागी हुँदा साेही ठाउँ बडा नम्बर २ बस्ने मदन खड्काकाे खुद्रा सामान पुर्णरुपमा जली नष्ट भएको बझाङ प्रहरीले जनाएको छ ।
प्रहरीकाअनुसार जय बहादुर रावलको जस्तापाले बनाएको पसल सहित ८० हजार बराबरको क्षेती भएको छ भने जय बाहदुर खातीको जस्तापाताले बनाएको गोदाम घर जली नष्ट हुँदा थलारा २ का मदन खड्काले राखेको खुद्रा सामान जलेर १ लाख ७० हजार बराबरको क्षती भएको छ ।
प्रहरीकाअनुसार आगलागी हुनुको कारण भने खुलेकाे छैन । आगलागीलाई करिव आधाघण्टापछि नियन्त्रणमा लिएकाे थियाे ।
