अछाम / अछाम ढकारीको राउलासैनमा आज ट्रयाक्टर दुर्घटना हुँदा सातजना घाइते भएका छन् ।
घाइते हसनेहरूमा ढकारी गाउँपालिका वडा नम्बर १ लयगाउँका ३२ वर्षीय दिनेश रिमाल, उनका छोरा १० वर्षीय लोकेश रिमाल, ४६ वर्षीय धने टमटा, साेही ठाउँका ५७ वर्षीय मनराजे टमटा, १६ वर्षीया कविता टमटा, १७ वर्षीया खिमा टमटा र १३ वर्षीया जनधरा टमटा रहेका ढकारी गाउँपालिकाले जानकारी दिएकाे छ ।
घाइते भएकाहरू मध्ये दिनेश रिमाल र धने रिमालकाे अवस्था चिन्ताजनक रहेकाे छ । उनीहरु दुबैजनाको ढाड, टाउको, छाती लगायत शरिरका अधिकांस भागमा गहिरो चोट लागेको छ । दुबै जनालाई ढकारी गाउँपालिकाको गाडीमा जिल्ला अस्पताल मंगलसेन लगिएको छ । त्यस्तै अन्य पाँच जनाको ढकारी स्वास्थ्य चौकिमा उपचार गरिएको छ ।
गाउँपालिकाकाअनुसार चाइरा स्थित खेतबाट घाइते रिमाल र टमटाको धान र पराल बोकेर ढकारी आउँदै गरेको सुदूरपश्चिम प्रदेश ०१००२ त ५१८८ नम्बरको ट्रयाक्टर राउलासैनको कच्ची सडकमा पल्टिदा उनीहरु घाइतेभएकाे जनाएको छ ।
ट्रयाक्टरमा गाउँ फर्किदै गरेका ११ जना चढेकाे र ४ जना सकुशल रहेकाे स्थानीय स्राेतकाे भनाइ छ । ट्रयाक्टरको क्षमता भन्दा धेरै धान, पराल लोड गरेर मानिसहरु पनि बसेका कारण दुर्घटना भएको स्राेतले जनाएको छ ।
