मनमाेहन ठकुल्ला, डाेटी
विगत झैँ यसवर्ष पनि प्लाष्टिक फूलका मालाले डाेटीका बजारीय क्षेत्र कब्जा गरेकाे छ। चाडपर्व आएसँगै यस वर्ष पनि तिहारकाे लागि जिल्ला सदरमुकाम सिलगढी र दिपायलमा व्यापारीहरूले प्लाष्टिक फूलका माला भित्रिएका छन्। सिलगढी र दिपयालका अधिकांश पसलहरूमा तिहारमा बिक्रीवितरण गर्न व्यापारीहरूले प्लाष्टिकजन्य माला भित्र्याएका हुन् ।
वर्तमान समयमा जिल्लाका अधिकांश क्षेत्रमा किसानहरूले व्यावसायिक रूपमा फूल खेती गर्दै आएका भएपनि आयातित प्लास्टिकका माला भने व्यापारीहरूले बजारमा भरिभराउ भित्र्याएका छन् ।
त्यस्तै प्लाष्टिक फूलका माला बजारमा भित्रएपछि जिल्लामा फूल खेती गर्दै आएका किसानहरूले दु:ख व्यक्त गरेका छन् । जसले गर्दा फूल खेतिका किसानले आफू मारमा परेकाे गुनासाे गरेका छन् ।
आफू जिल्लाकाे मुख्य व्यापारक केन्द्र दिपायल बजारतिर जाँदा बजारमा प्लास्टिकका माला भित्रएकाे शिखर नगरपालिका १० का स्थानीय फूल खेतिका किसान लाेकेन्द्र रावलले बताए । उनकाे यस विषयमा स्थानीय तह तथा सम्बन्धित सराेकारवाला निकाय माैन रहेकाे आराेप छ । उनी थप्छन्,” बजारमा प्लास्टिकका माला भित्रिएसँगै स्थानीय फूल खेति गर्ने किसानहरूलाई ठूलाे घाटा लाग्छ, हाम्रो मेहनत खेर जान्छ , त्याे काेहि बुझ्दैनन् ।”
आफू जिल्ला प्रशासन कार्यालय डाेटीमा हिजाेमात्रै हाजिरी भएका कारण जिल्ला भित्रकाे थप कुरा बुझ्न नपाएकाे प्रमुख जिल्ला अधिकारी माेहनराज जाेशीले बताएका छन् । प्रमुख अधिकारी थप्छन् ,” स्थानीय तहले पनि आ-आफ्नाे स्थानीय तहमा प्लाष्टिकजन्य मालाहरू बन्द गर्न भूमिका निर्वाह गर्नुपर्ने हाे तर मलाई यस विषयमा थाहा छैन्, अम बुझिहाल्छु ।”
गतवर्षकाे नीतिलाई टेकेर बजारमा प्लाष्टिक फूलका माला प्रतिबन्ध लगाइएको डाेटी उद्योग बाणिज्य संघका अध्यक्ष बिक्रम साउँदले बताए । उनले भने,” हामीले नगर प्रहरीलाई भनेका छाैँ, यस वर्ष सूचना निकाल्ने याेजना थियाे, जिल्ला प्रशासनबाट परिपत्र आएन।”
त्यस्तै गतवर्ष बाणिज्य संघट सूचना निकाले पनि प्लाष्टिक फूलकन माला भने व्यापारीले बिक्रीवितरण गर्दै आएका थिए।
बजारमा प्लाष्टिक फूलकामाला बिक्रीवितरण हुँदै आएकाे भएपनि नगरपालिकाले राेक नलगाएकाे दिपायल सिलगढी नगरपालिका प्रमुख प्रशासकीय अधिकृत शंकर सुचिकारले बताए ।
तर कतिपय स्थानीय तहले प्लाष्टिक फूलकामाला बिक्रीवितरण गर्न व्यापारीहरूलाई प्रतिबन्ध लगागाएकाे छ ।
त्यस्तै नेपालकाे संविधान २०७२ काे अनुसूची ८ मा स्थानीय तहकाे अधिकार सूचि अन्तर्गत स्थानीय बजार व्यवस्थापन, वातावरण संरक्षण सम्बन्धी व्यवस्था छ ।
गत वर्षकाे समाचार
डाेटीमा प्लास्टिक फूलका माला व्यापक बिक्रीवितरण हुदै, सराेकारवाला कानमा तेल हालेर सुत्दै
