डाेटी / डाेटीमा आज ( बुधबार ) एक जना मजदुर मृत फेला परेका छन् । मृत फेला पर्नेमा अर्घाखाँची जिल्लाकाे सितगंगा नगरपालिका वडा नं. ८ घर भई हाल डोटीकाे के.आई. सिंह गाउँपालिका वडा नं. २ तिखात्तर स्थित दुदिला कन्सट्रक्सनमा ज्याला मजदुरी गर्ने ४५ वर्षीय गोपाल रेश्मी रहेकाे जिल्ला प्रहरी कार्यालय डाेटीले जानकारी दिएकाे छ ।
जिल्ला प्रहरी कार्यालय डाेटीका प्रहरी नायव उपरीक्षक भिमलाल भट्टराईकाअनुसार रेग्मी बेलुकी ४: ५५ बजेको समयमा तिखात्तर स्थित बस्ने क्याम्पको भित्र मृत अवस्थाम फेला परेका हुन् । घटनाबारे थप आवश्यक अनुसन्धान भईरहेको प्रहरीले जनाएको छ ।
त्यस्तै असाेज २६ गते साेही कम्पनीमा मजदुरी काम गर्ने रोल्पा लाङ्ग्री गाउँपालिका २ कि ४२ वर्षीय कमला कुमारी पुन बेहाेस अवस्थामा फेला परी अस्पताल पुर्याए पश्चात् डाक्टरले मृत घाेषणा गरेकाे थियाे ।
