डोटी / डोटी जिल्लाको सायल गाँउपालिकामा पहिलो पटक बस पुग्दा स्थानियहरु खुशी भएका छन् ।
जिल्ला सदरमुकाम देखी उत्तरी क्षेत्रमा पर्ने सायल गाँउपालिकालाई सरकारले सुगम गाँउपालिकाको सूचिमा सूचिकृत गरेको भए पनि सो गाँउपालिकालाई दुर्गम गाँउपालिकाको रुपमा लिने गरिन्छ । सायलमा बस पुग्दा स्थानियले सवारी चालक सहित बसलाई अविर फुल मालाले स्वागत गरेको त्यहाँका स्थानिय तथा नेकपाका युवा नेता तेज डुम्रलले बताएका छन् ।
गाँउपालिकामा बस पुग्दा स्थानिय खुशी हुदै स्वस्फुत रुपमा बाजागाजा सहित स्वागत गरेको थिए । पहिलो चरणमा सड्क काटिदै गर्दा आफुहरुले गाँउमा कुनै पनि सवारी साधन आउला भन्ने सोच्दा नै नसोचेको भए पनि आज गाँउमा बस नै पुग्दा सारै खुशी लागेको डुम्रेलले बताए ।
बुधबार परिक्षणको रुपमा बस गाँउपालिकाको केन्द्र सम्म पुगेको भए पनि त्यसलाई नियमित कसरी गर्न सकिन्छ भन्ने विषयमा आफुहरुले सोची रहेको र बस लाई नियमित गर्न सरोकारबालाहरु संग छलफल गर्ने आफुसहित युवाहरुको योजना रहेको समेत डुम्रेलले बताएका छन् । गाँउपालिकामा पुगेको बससंगै सवारी चालकलाई गाँउपालिकाका अध्यक्ष तेज वहादुर डुम्रेल उपाध्याक्ष विष्णा सिँह लगायतका जनप्रतिनिधिहरुले समेत स्वागत गरेका थिए ।
