सिलगढी /दशै तिहारलाई लक्ष्यित गरेर सुदूरपश्चिम प्रदेशभित्र आठ वटा क्षेत्रमा सुपथ मुल्य पसल खुलेका छन्। साल्ट ट्रेडिङ कर्पोरेशन धनगढीले सोमबारदेखि सुदुरपश्चिमका ८ वटा क्षेत्रमा सुपथ मुल्य पसलबाट दैनिक उपभोग्य सामान विक्रीवितरण गर्ने गरी पसल सञ्चालनमा ल्याइएको हो।

कर्पाेरेसनकाअनुसार कैलालीको धनगढी, अत्तरिया र टीकापुर, कञ्चनपुरको महेन्द्रनगर र वेलौरी, पहाडी जिल्ला डडेल्धुरा, बैतडीको पाटन र डोटीको दीपायलमा पनि सुपथ मुल्य पसल सञ्चालनमा ल्याएका छन् ।

साल्ट ट्रेडिङ कर्पोरेशन धनगढीका प्रमुख वासुदेव उपाध्यायकाअनुसार
धनगढी र अत्तरियामा खोलिएका सुपथ मुल्य पसलबाट चिनी प्रतिकिलो एक सय २ रुपैयाँ ५० पैसामा पाइने छ। त्यस्तै दीपायल र पाटनमा भने प्रतिकिलो एक सय १०, डडेल्धुरामा एक सय ५, महेन्द्रनगरमा एक सय ४ र टीकापुरमा एक सय ५ रुपैयाँ उपाध्यायले बताए । सुपथ मुल्य पसलबाट चिनी प्रतिव्यक्ति २ किलो उपलब्ध गराउने गरी व्यवस्था गरिएको छ। त्यस्तै नुन प्रतिकिलो २४ रुपैयाँ तोकिएको छ। नुन प्रतिव्यक्ति ६ किलो उपलब्ध गराउने गरी व्यवस्था गरिएको बताए ।

प्रमुख उपाध्यायले भने “सुपथ मुल्य पसलहरुमा च्युरा, खाने तेल, दाल, पिँठो, मैदा पनि प्रतिव्यक्ति ५ किलो उपलब्ध गराउने र ७ रुपैयाँ छुट दिने र सुपथ मुल्य पसलमा चामल समेत राखिएको छ।”

साथै साल्ट ट्रेडिङ कर्पोरेशन धनगढीसँग पाँच सय बोरा अर्थात २ सय ५० क्वीन्टल चिनी छ, पहाडी जिल्लामा समान ८०/८० बोरा चिनी ढुवानी गरेकाे उले थपे ।