मनमाेहन ठकुल्ला, डाेटी,
कृषि ज्ञान केन्द्र डाेटीले गत फाल्गुण महिनामा हाडे ओखरका बाेटहरूमा गरेको टप वर्किङ सफल भएकाे छ ।
जिल्लाका विभिन्न ठाउँमा किसानले लगाएका हाडे ओखरका बाेटमा पहिलाे पटक परिक्षणकाे रूपमा गरिएकाे टप वर्किङ् सफल भएकाेे कृषि ज्ञान केन्द्र डाेटीले जानकारी दिएकाे छ ।
दाते ओखर भनेर राेपिएका ओखर हाडे निस्किएपछि किसानले ज्ञान केन्द्रमार्फत गुनासाे पाेखेपछि किसानका गुनासा सम्बोधन गरेकाे कृषि ज्ञान केन्द्र डाेटीका निमित्त कार्यालय प्रमुख गंगादत्त अवस्थीले बताए ।
टप वर्किङ फागुन महिनाकाे अन्तिम साता सुरू गरेकाले ढिलासुस्ती हुन गएका कारण ४० प्रतिशत सफल भएकाे अवस्थीले बताए । निमित्त प्रमुख अवस्थी थप्छन्,टप ओर्किङ नयाँ पालुवा पलाउनु भन्दा छिटाे गर्नुपर्छ, यस वर्ष अलि ढिलाे हुन गयाे, परिक्षणकाे रूपमा पनि भयाे ।” साथै समय चुकिसकेकाले यस वर्ष जिल्लाका अन्य पालिकामा टप वर्किङ गर्न नभ्याएको उहाँले बताए ।
उनले थपे,” समयमै टप वर्किङ गरिए विशेष तया ७०%/८०% सफल भएको पाईन्छ, यस आर्थिक वर्षमा समयमै टप ओर्किङ गर्ने याेजना छ।”
साथै ७-८ वर्षको पर्खाईमा ओखर हाडे निस्किएपछि सबै ओखरका बोट काटेर फाल्ने निर्णयमा पुगेका किसान टप वर्किङबाट मख्ख भएका छन् । ओखरका बाेट हाडे निस्किएपछि लगानीकाे पिरलाे बाेकेर बसेका किसान ज्ञान केन्द्रले नयाँ प्रविधि विस्तार गरेपछि किसानले खुसि व्यक्त गरेका छन् ।
ज्ञान केन्द्रले गत फागुन महिनामा जिल्लाका आदर्श गाउँपालिका, सायल गाउँपालिका, दिपायल सिलगढी नगरपालिका गरी तीन वटा पालिकामा किसानले लगाएका ओखरका बाेटहरूमा टप ओर्किङ गरिएकाे थियाे ।
प्रतिक्रिया
सम्बन्धित खवर
