सिलगढी / डोटी जिल्लाकाे जोरायल गाउँपालिका १ खडिनामा जीप दुर्घटना हुँदा २ जनाको मृत्यु भएको छ भने ७ जना घाइते भएका छन् ।
जिल्ला प्रहरी कार्यालय डाेटीका अनुसार दार्चुलाबाट धनगढी जाँदै गरेको सु.प.प्र. ०१, ००१ ज १४८९ काे जिप आज (बुधबार ) बिहान करिब साढे ४ बजेतिरकाे समयमा दुर्घटनामा हुँदा दार्चुलाको लेकम गाउँपालिका ४ पैताेलीकी करिव ४०/४२ वर्षिय धाैली देवी धामी र साेही गाउँपालिका वडा नम्बर ३ कि ३ वर्षिय रित्तिका पार्कीकाे मृत्यु भएकाे जनाएको छ । मृतक धाैलीकाे घटनास्थलमै मृत्यु भएकाे र रित्तिकाकाे उपचारको क्रममा धनगढी निसर्ग अस्पतालमा मृत्यु भएकाे जिल्ला प्रहरी कार्यालय डाेटीका प्रहरी निरीक्षक सन्दिप शाहले बताउनु भयाे ।
त्यस्तै उक्त जिप दुर्घटनामा परी घाइते हुनेमा बैतडी डिलासैनी ५ का वर्ष १९ का चालक बासुदेव नाथ, दार्चुला लेकम ६ का वर्ष ४५ का जगत धामी, सोही ठाउँ बस्ने वर्ष ३१ का हरिष पार्की, उनकी श्रीमती वर्ष २६ की भावना ओड पार्की रहेकी छन् । मृतक रित्तिता घाइते हरिष र भावनाकी छाेरी हुन् ।
त्यस्तै घाइते हुनेमा बैतडी डिलासैनी ६ का वर्ष १७ का अर्जुन लुहार र सोही ठाउँ बस्ने वर्ष २२ की रेखा ओड र दार्चुला मालिकार्जुन ४ की वर्ष ६० की मानमती धामी रहेको निरीक्षक शाहले बताउनु भएकाे छ ।
घाते सातै जनाकाे निसर्ग अस्पताल धनगढीमा उपचार भैरहेको छ । जीप सडकदेखि करिब ५० मिटर तल खसेको छ । घटनाबाे थप अनसन्धान भैरहेको प्रहरीले जनाएको छ ।
