मनमाेहन ठकुल्ला, डाेटी
डोटीमा मानवअधिकार उपभाेगकाे अबस्था कम्जोर रहेकाे छ ।
अनौपचारिक क्षेत्र सेवा केन्द्र (इन्सेक) र डिसिएकाे संयुक्त आयोजनामा सिलगढीमा गरेकाे एक ओपचारिक कार्यक्रममा अनौपचारिक क्षेत्र सेवा केन्द्र सुदुरपश्चिम प्रदेश समितिका सदस्य खड्क राज जाेशीले यस्तो बताएका हुन् ।

मानवअधिकारको अवस्था बारे सरोकारवालाहरुसँग अन्तरक्रिया कार्यक्रममा उनले बाेल्दै भने “जिल्लामा अझै पनि परम्परागत कुसंस्कार कायम रहेकाे छ, जसले गर्दा मानवअधिकार खाेस्सिएकाे छ ।” उहाँले समाजमा परापूर्वकालदेखि चल्दै आएका विकृति विसंगति अझै समाजमा कायम रहेकाे बताए । साथै मानवअधिकार हनन भएकाे उनले बताएका छन् ।

उनले थपे,”समाजमा रहि आएका बालविवाह, बहुविवाह, छुवाछूत, लगायतका विभिन्न विकृति विसंगतिले समाज खण्डित पारेकाे छ ।”

त्यस्तै मानवअधिकारका घटना कम गर्न सबैले आ–आफ्नो तर्फबाट लाग्नु पर्ने र आफूले पाएको जिम्मेवारी इमान्दार भएर पुरा गरे घटनाहरु कम हुने जिल्ला समन्वय समितिका संयोजक लक्ष्मण बहादुर सिंहले बताएका छन् । सिंहले थपे ” मानवमा नैतिकताको कमी भएकाले मानवअधिकार उल्लंघनका घटना बढ्दै गएका छन् ।

त्यस्तै पत्रकार तथा मानव अधिकारकर्मी रामहरी ओझाले प्रहरीले मानव अधिकारकाे क्षेत्र प्रभावकारी भूमिका निर्वाह नगरेकाे बताएका छन् । पत्रकार ओझाले भने ” प्रहरीले बदला लिन खाेजेकाे हाे ।”

पत्रकार नवराज जाेशीले डाेटी प्रहरीले जाहेरी दर्ता नगरेकाे आराेप लगाएका छन् । जाेशीले भने ” डाेटी प्रहरीमा पिडित पक्षबाट जाहेरी दर्ता गर्न प्रहरीले आनाकानी गर्छ ।”