शुशीला पन्त / विश्वभर महामारीको रुपमा फैलिएको कारोना भाईरसको संक्रमण क्रमिक रुपमा बढ्ने क्रममा रहेका कारण जिल्ला प्रशासन कार्यालय डोटीले जारी गरेको निषेधआज्ञा सोमबार देखी लागु हुने गरि खुकुलो पारिएको छ ।
दुईसाता अघि देखी निधेषआज्ञा आज आईतवार राती १२ बजे सम्ममा लागी जारी भए पनि अहिले जिल्लामा केहि हद सम्म कोरोना संक्रमित बढ्नेक्रम विगतका दिनहरुको भन्दा कम रहेको भन्दै आम नागरिक जिवनलाई सहज बनाउन निषेधआज्ञा केहि खुकुलो बनाईएको स्थानिय प्रशासनले जनाएको छ ।
अत्याबश्यक बाहेक सबै क्षेत्रमा निषेधित गरिएको भए पनि सोमबारबाट विहान ६ बजे देखी बेलुकी ६ बजे सम्म बजार व्यवसाय खोल्न पाईने भएको छ । तर यसरी बजार व्यवसाय संचालन गर्ने क्रममा स्वास्थ्य सुरक्षा अपनाउनु पर्ने प्रशासनले जारी गरेको विज्ञप्तीमा उल्लेख छ ।
त्यस्तै सामुहिक कार्यक्रम भोत भतेडहरु आयोजना गर्न पाईने छैन, तालिम गोष्टी सेमिनारहरु संचालन गर्न पाईने छैन ।
