
टेक साउद डोटी / डोटी जिल्लाको दिपायल सिलगढी नगरपालिकामा अबस्थीत सुदुरपश्चिमको प्रशिद्ध शैलेश्वरी मन्दीरमा ‘योगदान राष्ट्रका लागि’ अभियानका अभियन्ताहरुले कोरोना संक्रमणबाट मृत्यु भएका व्यक्तिहरुको आत्माशान्तीका लागी दिप प्रज्वलन गरेका छन् ।
अन्तर्राष्ट्रिय प्राथमिक उपचार दिवसको अवसरपारि अभियन्ताहरुले दिपप्रज्वलन गरेको रोशन खत्रीले बताएका छन् । देशव्यापी रुपमा विश्वभर महामारीका रुपमा फैलिएको कोभिड १९ संक्रमणबाट ज्यान गुमाएका मृतकहरुको चिरशान्ती, संक्रमितहरूको स्वास्थ्य लाभ, सुरक्षाकर्मी र स्वास्थ्यकर्मीको योगदानको उच्च सम्मान गर्दै सनिवार राती शैलेश्वरि मन्दिर अगाडि दिप प्रज्वलन अभियानका डोटी जिल्ला संयोजक दिपेन्द्र खड्काले बताए ।
त्यस्तै दिवशका अबशरमा अभियन्ता तथा अभियानका बझाङ जिल्ला संयोजक ललित बहादुर सिहको पहलमा दिपालय सिलगढी नगरपालिका क्षेत्रमा रहेको दम, प्रेशर, सुगर, ग्याष्ट्रिक जस्ता दिर्घ रोग भएका विरामीहरुका लागी उपयोगी ४० हजार बराबरका औषधी नगरप्रमुख मन्जु मलासीलाई हस्तान्तरण गरिएको छ ।
देशभर प्राथमिक उपचार पद्धतिको विकास गरि मृत्युुदर कम गर्ने, स्वास्थ जनचेतना फैलाउने, देशमा स्वास्थ्यमा परिवर्तनको संवाहक बन्दै देशका लागि केही योगदान दिने उक्त अभियानको मुख्य उद्देश्य रहेको छ ।