मनमाेहन ठकुल्ला, सिलगढी
नेपाल कम्युनिस्ट पार्टी जिल्ला संगठन समिति डाेटीले जिल्ला प्रशासन कार्यालय डाेटीलाई ज्ञापन पत्र बुझाएकाे छ ।
शुक्रबार पार्टीका विभिन्न पदाधिकारी प्रशासनमा गइ ज्ञापनपत्र मार्फत विविध माग राख्दै सहायक प्रमुख जिल्ला अधिकारी दिर्घराज उपाध्यायलाई हस्तान्तरण गरिएकाे पार्टीले जानकारी दिएकाे छ ।
ज्ञापनपत्रमा भनिएकाे “अझै पनि वास्तविक संघीयताको निर्माण र अभ्यास गरिएको छैन । जस्ले गर्दा दुर्गम हिमाली तथा पहाडी क्षेत्रका जनताले सहज पालिका स्तरबाट पाउनुपर्ने सामान्य कामका सुविधाहरु नागरिकता, परिचय पत्र र जग्गा किनबेच का लागि पनि जिल्ला सदरमुकाम धाउनुपर्ने बाध्यता रहेकाे उल्लेख गरेकाे छ ।
त्यस्तै समय र खर्चका हिसाबले जनताका लागि निकै कष्टकर र समस्यामूलक विषय बनेकाले ज्ञापनपत्र पत्र बुझाएको जिल्ला ईन्चार्ज बिमल सीले बताए ।
सीले ज्ञापनपत्रमा हस्ताक्षर गरे अनुसार “जनतालाई नागरिकता, जग्गा किनबेच, परिचय पत्र जस्ता कामहरु आगामी बर्षदेखि पालिका स्तरबाट उपलब्ध गराइयोस भन्ने माग सहित यो ज्ञापन पत्र जिल्ला प्रशासन मार्फत नेपाल सरकारका सम्मानीय प्रधानमन्त्री श्री पुष्पकमल दाहाल प्रचण्ड समक्ष पेस गर्दछौ ।” भनेर उल्लेख गरिएकाे छ ।
