कैलाली / किटानी जाहेरी दिदा समेत संचारगृहमा नै पुगी कार्यकक्ष भित्र पत्रकारलाई हातपाल गर्ने घटनाको दोषीहरुलाई अहिले सम्म पनि प्रहरीले पक्राउ गरेको छैन ।
आज विहान दिनेश खबरले प्रहरी हिरासतमा रहेका एक युवाले हिरासत भित्र नै आत्महत्या गरेको भन्दै सम्प्रषण गरेको समाचार झुटो भएको भन्दै दिनेश खबरका सहसम्पादक लगायत अन्य पत्रकारहरु माथी १५ २० जनाको समुहमा आएका व्यक्तिहरुले हातपाल गरेका थिए ।
सोहि घटनाको विरोध गर्दै सुदुरपश्चिम भरमा रहेका पत्रकारका विभिन्न समुहका साथै पत्रकार महासंघले समेत विरोध गर्दै दोषीलाई कार्वाहीको माग गर्दै विज्ञप्ती जारी गरेको थियो । सो हातपातको घटना लगतै प्रहरीमा किटानी जाहेरी दिएका भए पनि कैलाली प्रहरीले अहिले सम्म दोषीहरुलाई पक्राउन नगरेको पत्रकार दिल वहादुर छत्यालले सामाजिक संजाल मार्फत सार्वजनिक गरेका छन् ।
कैलाली प्रहरीको हिरासतमा नै युवाले आत्महत्या गरेको भन्ने प्रहरीको दावीको विरोधका साथै प्रहरीले कुटेर मारेको हुनपर्छ भन्ने आशंका गर्दै मृतकका परिवार र आफन्तले आज दिन भरी प्रहरी कार्यालयमा धर्ना दिनुका साथै विरोध प्रर्दशन गरेका थिए ।
सो घटनाको सत्य तथ्य पत्ता लगाउनका लागी युवक मृत फेला परेको विषयमा छानबिन गर्न सशस्त्र प्रहरी गण धनगढीका प्रहरी उपरीक्षक राजीव बस्नेतको नेतृत्वमा छानबिन समिति गठन गरिएको छ ।
