सुपअनलाईन डेस्क / धनगढी दिनेश सञ्चार गृहमा नै प्रबेश गरि दिनेशकर्मि पत्रकारमाथी भएको साँघातिक आक्रमणको चौतर्फि विरोध भएको छ ।
आज विहान १९ बर्षिय युवकले धनगढी प्रहरी थुनुवामा रहेका समयम आत्महत्या गरेको समाचार संप्रेषण गरेको थियो । समाचारमा दिनेश खबरले आत्महत्या गरेको युवक चोरी मुद्दामा पक्राउ परेको उल्लेख गरेको थियो । सोहि विषमा समाचार गतल भएको भन्दै १५ २० जनाको युवाहरुको समुहले दिनेश संञ्चारगृहको कार्य कक्षमा नै पुगि दिनेशकर्मी दिनेश खबरका सह–सम्पादक जनक विष्ट लगायतका पत्रकारमाथि संघातिक आक्रमण गरेका हुन् ।
आक्रमणकारीहरुले आक्रमण गरि रहेको भिडियो समेत दिनेश खबरले सार्वजनिक गरेको छ । सुदुरपश्चिम लगायत देशै भरका पत्रकार लगायत सामाजसेवी बुद्धिजिविहरुले उक्त घटनाको सामाजिक संजाल मार्फत विरोध गर्दै आक्रमणकारीहरुलाई पक्राउ गरि कडा भन्दा कडा कार्वाहीको माग गरेका छन् ।
समाचार गतल भए कानूनीबाटो खुला हुदा हुदै यसरी संञ्चारगृहमा नै प्रबेश गरि पत्रकार तथा संचारगृहमा आक्रमण गरिदा आम संचारजगतको स्वतन्त्रता माथी नै प्रश्नचिन्ह खडा भएको छ । संचारकर्मि तथा गृहमा आग्रमण निन्दनिय छ । दोषिहरुको पहिचान गरि कानूनी रुपमा कार्वाही गरियोस् ।