शुशीला पन्त, डोटी / डोटीमा शुक्रबार विहान यात्रुवाहक बलेरो जिप दुर्घटना भएको छ । से १ ज १०६६ नम्वरको जिप दुर्घटना हुदा जिपमा सवार ४ जना गम्भीर सहित १२ जना घाईते भएका छन् ।
धनगढी देखी अछामका लागी हिडेको जिप अन्दाजी शुक्रवार विहान ५ः३० बजेको समयमा दुर्घटना भएको हो । दुर्घटनामा परि अछामको मेल्लेक गाउँपालिका वडा नम्बर ६ सोडसाका ४८ बर्षिय रंग टमटा, ४५ बर्षिय दाने टमटा, ३६ बर्षिय रुप बहादुर खड्का, ३४ बर्षका कमला खड्का घाईते भएका छन् ।
त्यस्तै अछाम कै ४८ बर्षका दान बहादुर टमटा, ३० बर्षका सपना टमटा, ४० बर्षका मनसरा टमटा, ४८ बर्षका चंखे टमटा र १२ बर्षिय पारस टमटा घाईते भएको जिल्ला प्रहरी कार्यालय डोटीका प्रहरी निरिक्षक कर्ण वहादुर बोहराले सुपअनलाईनलाई बताएका छन् । त्यस्तै अछाम बान्निगडि नगरपालिका ६ का ४८ बर्षिय धन बहादुर शाह, ४९ बर्षका नर बहादुर रावल बाजुराको त्रिबेणि नगरपालिका वडा नम्बर ८ कालापानिका १९ बर्षका राजेन्द्र बंम घाइते भएका छन । घाईतेहरुलाई डोटी जिल्ला अस्पताल ल्याईएको छ ।
जिप सड्क देखि अन्दाजी एक सय मिटर तल झरेको थियो । दुर्घटना स्थलमा नेपाल प्रहरी, नेपाल रेडक्रस सोसाईटी डोटी शाखा र स्थानियले उद्धार गरेको रेडक्रसकर्मि देव वहादुर बोहराले बताएका छन् ।
उद्धारकार्यमा खटेको रेडक्रस डोटी शाखा र स्थानियको टोली
