कैलाली / कैलाली जिल्लाकाे धनगढी बसर्पाकबाट श्री केदार टुर एण्ड ट्राभलले पठाएका यात्रुहरू भारतको डन भन्ने स्थानमा अलपत्र परेका छन् ।
यात्रुहरू मङ्सिर ६ गते पाँच हजार सात सय एक रुपैयाँ कम्पनीलाई बुझाएर धनगढीसँग सिमाना जोडिएको गौरीफन्टा हुँदै राेजगारीकाे लागि भारतकाे बेङ्लोरका लागि गएका हुन् । विडम्बनाकाे कुरा मङ्सिर १० गते हुँदा पनि उनीहरू बेङ्लोरदेखि ६५० किलोमिटरको दुरीमा झण्डै ७० जना यात्रु अलपत्र पारेर बिजाेग अबस्था सिर्जना गरकाे एक यात्रुले जनाएको छ ।
धनगढीमा रहेकाे यातायात व्यवसायीले टिकट काटेर भारतका विभिन्न स्थानका लागि भनेर पठाएका हुन् । अहिले भारतबाटै यात्रुहरूले टुर एण्ड ट्राभलर्स कम्पनीलाई खबर गर्दासमेत बेवास्ता गरेकाे गुनासाे पाेखिरहेका छन् । उक्त कम्पनीका भारतमा रहेका सम्पर्क व्यक्तहरूले यात्रुहरूलाई उल्टै गाली गलौज गर्ने गरेको उनीहरूले बताएका छन्।
