सिलगढी / डोटी जिल्लाकाे बडीकेदार गाउँपालिकामा रहेको प्रसिद्ध धार्मिक तिर्थ स्थल बडिकेदारमा मङ्सिर ८, ९ र १० गते मेला लाग्ने भएको छ ।
बडीकेदार क्षेत्र ‘ठूला केदार’काे नामले परिचत तथा जिल्लाकाे दक्षिणी क्षेत्रमा रहेकाे छ । उक्त धार्मिक क्षेत्रकाे मेलामा भक्तजनहरूकाे ठूलाे लाम लाग्ने गर्दछ । पर्यटकीय तथा ऐतिहासिक दृष्टिकोणले भरिपूर्ण बडीकेदारमा दर्शनार्थीहरूले दर्शन गरे मनाेकान्छे पुरा हुने धार्मिक नज विश्वास रहेकाे छ ।
डाेटी जिल्लाको बोगटान फुड्सिल र बडिकेदार गाउँपालिकाको सङ्गम उक्त धाममा श्रद्धालु भक्तजनले कथा लगाउने, विवाह, व्रतबन्ध तथा मुन्डन गर्ने जस्ता शुभ कार्यहरू गर्ने गर्दछन् । यहाँ तराईका थारु समुदाय तथा भारतीय भक्तजनको सहभागीता पनि रहने गरेकाे स्थानीयले जनाएको छ ।
त्यस्तै उक्त मेला अवधिभर बडिकेदार गाउँपालिकाले मङ्सिर १० गते आफ्नाे स्थानीय तहमा सार्वजनिक बिदा दिने भएकाे छ । गाउँपालिकाले एक सुचना जारी गर्दै सधाझैँ प्रसिद्ध बडिकेदार धाममा लाग्ने मेलाको अवसरमा १० गते बिदा दिइएको जानकारी दिएकाे छ ।
