डोटी / डोटीमा झारफुक गर्ने बहानामा युवतीलाई बलात्कार गरेको भन्दै एक युवा पक्राउ परेका छन् । जिल्लाको जोरायल गाँउपालिका वडा नं. ३ घर भएका वर्ष ३१ का पुरुषले आफुले झरफुक गर्ने र बच्चा हुने भन्दै सोहि स्थान कि २६ बर्षिया महिलालाई बलात्कार गरेको बताईएको छ ।
ईलाका प्रहरी कार्यालय जोरायलले दिएको जानकारी अनुसार भाद्र २४ गते ति महिला आफ्नो श्रीमान् संगै ईलाका प्रहरी कार्यालयमा आफु गैर पुरुषबाट बलत्कृत भएको भन्दै निवेदन साथ उपस्थित भएकी थिईन् । घटनाको बारेमा बुझ्दा आफुहरुको बच्चा नभएको भन्दै ति दम्पतीले बलात्कारको आरोप लागेको पुरुषले झारफुक गरि सन्तान हुने विश्वास गर्दै गएको र ति पुरुषले श्रीमानलाई टाढा पठाएर ति महिलालाई एक्लै पारी बलात्कार गरेको आरोप पिडित महिलाले लगाएकी छिन् ।
मंगलबार झारफुक गर्नु पर्ने नियम रहेको भन्दै गत भाद्र ३ मंगलबार झरफुकको बहानामा उक्त घटना भएको महिलाको दावी गरेकी छिन् । घटना ढिला गरि सार्वजनिक भएको हो । घटनाका पिडित भनीएका दम्पती र पिडक भनिएका पुरुषलाई जिल्ला पठाईएको जोरायल प्रहरीका ईन्चर्ज सहि महेन्द्र थापाले बताए । पिडित महिला भाद्र २४ गते ईलाका प्रहरी कार्यालयमा निवेदन सहित पुगेकी थिईन् ।
