
कैलाली / कैलालीकाे धनगढीमा ९ जना जुवाडेलाई पक्राउ गरिएकाे छ ।
आज बुधबार जिल्लाकाे धनगढी उप-महानगरपालिका १ स्थित साथीभाई होटलबाट उनीहरूलाई नियन्त्रणमा लिइएको हाे ।
जुवाखालबाट प्रहरीले नगद ३३ हजार ८५५ र ३ गड्डी तास पनि बरामद गरिएको छ ।
पक्राउ परेका मध्य एकजना नेपाल प्रहरीका पूर्व प्रहरी निरीक्षक (इन्सपेक्टर) पनि रहेको खुलेको छ ।
पूर्व- प्रहरी निरीक्षक धनगढी उपमहानगरपालिका- २ का ५२ वर्षीय प्रेमसिह खड्का रहेका छन् । उनी जिल्ला प्रहरी कार्यालय कैलालीमा कार्यरत रहेकै बेला केही समय अघिमात्र रिटायर भएकाे प्रहरी स्राेतबाट बुझिएकाे छ ।
त्यसै गरी अन्य जुवाखालबाट पक्राउ पर्नेमा धनगढी उपमहानगरपालिका ५ बस्ने ४६ वर्षका पवन पन्त, सोही ठाउँका ४२ वर्षका हेमराज जोशी, धनगढी-३ बस्ने ४० वर्षका लक्ष्मीराज जोशी, धनगढी-४ बस्ने ३६ वर्षका जितेन्द्र भट्ट, धनगढी-८ बस्ने ४६ वर्षका गणेश दाहाल, धनगढी ५ बस्ने ५९ वर्षका महेन्द्रसिंह खड्का, धनगढी-३ बस्ने ३६ वर्षका धर्म बोगटी र डोटी शिखर नगरपालिका-३ बस्ने ५१ वर्षका रमेश कडायत रहेका छन् ।
अहिले उनीहरुलाई थुनामा राखेर थप अनुसन्धान भैरहेको प्रहरीले जनाएको छ ।