
खगेन्द्र सिँह डोटी / शिखर नगरपालिकाका कर्मचारीहरुले स्थानीय सेवा कर्मचारी तदर्थ नगर कार्यसमिति गठन गरेका छन् । नगरपालिकाका अधिकृत लोगराज जोशीको अध्यक्षतामा बुधबार बसेको बैठकले २३ सदस्यीय तदर्थ समिति गठन गरेको हो ।
खडक बहादुर बोहरा अध्यक्ष रहेको समितिमा उपाध्यक्षमा रोजी सिंह रहेकी छन् भने सचिबमा देब बहादुर खडायत रहेका छन् । त्यसैगरी कोषाध्यक्षमा सुमित्रा थापामगर र सह–सचिबमा धिरज बहादुर खड्का रहेका छन् ।
स्थानीय तहका कर्मचारीहरुको हक अधिकार सुनिश्चित गर्नका लागि सांगठनिक रुपमा अगाडि बढ्नु परेको अधिकृत जोशीले बताए । स्थानीय तहका कर्मचारीहरुलाई राज्यलेनै हेर्ने दुष्टिकोणमा फरक रहेकोले एक भएर आवाज उठाउनु पर्ने बाध्यता रहेको बताइएको छ ।
देशव्यापी रुपमा स्थानीय सेवा कर्मचारीहरुको संगठन बिस्तार भईरहेका बेला डोटीमा भने यो पहिलो स्थानीय तहमा समिति गठन भएको हो । संघियताको जगको रुपमा रहेको स्थानीय तहहरुमा बसेर जनतासंग नजिक भएर काम गर्ने स्थानीय सेवा कर्मचारीहरुलाई राज्यले निजामती कर्मचारी सरह व्यवहार नगरी सौतेनी व्यवहार गरिरहेकाले स्थानीय तहका कर्मचारीहरुको हक हितको लागि समिति गठन गरेको नव अध्यक्ष बोहराले बताए ।
कार्यक्रममा शिखर नगरपालिकाका नगर प्रमुख सिताराम जोशीले समितिलाई शुभकामना दिंदै स्थानीय तहमा बसेर जनताको प्रत्यक्ष सम्पर्कमा रहेर काम गरिरहेका कर्मचारीहरुलाई राज्यले समान रुपमा व्यवहार गर्नुपर्ने र कार्यसमितिले समेत सबै कर्मचारीहरुको हकहितको लागि आवाज उठाउनु पर्ने बताए ।
गुरु यो समाचारको अन्तिम दोस्रो प्याराको अन्तिमतिरको नव अध्यक्ष बोहरा हुनु पर्ने खड्का भएको छ सच्याउनु होला ।