बैतडी/ बैतडीमा जिप र मोटरसाइकल एकआपसमा ठोक्किँदा एकजना गम्भीर घाइते भएका छन् ।
घाइते हुनेमा मोटर साइकल चालक जिल्लाकाे मेलौली नगरपालिका–६ का २१ वर्षीय नरेन्द्र भट्ट रहेकाे जिल्ला प्रहरी कार्यालय बैतडीले जनाएकाे छ ।
भट्टको दाहिने खुट्टासहित शरीर विभिन्न भागमा चोटपटक लाग्नुका साथै मोटरसाइकलमा पनि क्षति पुगेको प्रहरीले जनाएकाे छ । उक्त दुर्घटनाबाट गम्भीर घाइते भट्टलाई उपचारका लागि डडेल्धुरा अस्पताल पठाइ सकेकाे छ ।
शनिबार बिहान जिल्लाको पाटन नगरपालिका– ५ स्याडीखोलमा पाटनबाट मेलौलीतर्फ गइरहेको सु. प.प्र.०२ ००१ च ८४१ नम्बरको जिप र मेलौलीबाट पाटनतर्फ आइरहेको म २ प ६९१६ नम्बरको मोटरसाइकल एक आपसमा ठाेकिएका हुन् ।
जिप र जिप चालकलाई प्रहरीले नियन्त्रणमा लिइसकेको छ । घटनाबारे अनुसन्धान भैरहेकाे जनाएकाे छ
