काठमाडौँ / केहि दिन यता नेपालमा अनुमान गरेको भन्दा बढ्दो क्रममा कोरोना भाईरसका संक्रमितहरु देखा पर्न थाले पछि स्वास्थ्य मन्त्रालयले मुलुकभर रहेको आईसियु र भेन्टिलेटरको तथ्यांक लिएको छ ।
मन्त्रालयका अनुसार मुलुकभरमा जम्मा १ सय ८१ वटा आईसुयु र ७६ वटा मात्र भेन्टीलेटरहरु रहेका छन् । त्यस मध्येमा ८२ आइसियु र २७ भेन्टिलेटरमा कोरोना संक्रमणका गम्भीर प्रकृतिका विरामीहरुको उपचार भई रहेको छ ।
विरामीको प्रयोगमा रहेका बारेकको गणना गर्ने हो भने ९९ आइसियु र ४९ वटा भेन्टिलेर अहिले खाली रहेको अबस्था भएको मन्त्रालयले जनाएको छ । अहिले नेपालमा ३० हजारको संख्यामा कोरोनाका संक्रिय संक्रमितहरु रहेका छन् ।
कोरोनाले गम्भीर असर गरेका विरामीहरुलाई भेन्टिलेटर र आईसियु राखी उपचार गर्नु पर्ने हुन्छ । जुन आकारमा कोरोनाका संक्रमितहरु बृद्धि भई रहेका छन् त्यसका आधारमा स्वास्थ्य संरचना तथा उपकरणको अभाव भएको अनुमानसहजै लगाउन सकिन्छ ।
