डाेटी
डोटीमा बिजुलीको तार सर्ट भई आगलागी हुँदा एक घर पूर्ण रूपमा जलेर नष्ट भएको छ। पुर्विचौकी गाउँपालिका–३ माझगाउँ निवासी रतन बोहराको ढुङ्गा–माटोले बनेको, स्लेटले छाएको तीनतले घरमा आगलागी भएको हो।
डाेटी प्रहरीका अनुसार बिहीबार राति करिब ११:३० बजे सुरु भएको आगलागीबाट घरभित्र रहेका भाँडाकुँडा, लत्ताकपडा, खाद्यान्न, काठका फर्निचर तथा नगद ५० हजार रुपैयाँसमेत जलेर नष्ट भएको छ।
आगलागीबाट घर पूर्ण रूपमा क्षति पुगेको जनाइएको छ।
घटनामा मानवीय तथा चौपाया क्षति भने नभएको प्रहरीले जनाएको छ। स्थानीयवासीको सहयोगमा आगो पूर्ण रूपमा नियन्त्रणमा लिइएको थियो।
आज बिहान प्राप्त सूचनापछि प्रहरी टोली घटनास्थल पुगेर थप बुझ्दा आगलागीबाट करिब ८ लाख रुपैयाँ बराबरको क्षति भएको प्रारम्भिक अनुमान गरिएको छ। घटनाबारे थप अनुसन्धान भइरहेको प्रहरीले जनाएको छ।
